एक झुळुक प्रेमाची जणु स्पर्शित हलकीशी गवसली ती मजला एके दिवशी मोहक त्या दिवसानंतर जग हे सारे माझे पालटून गेले अचानक मनास उमजून आले ती झु...
एक झुळुक प्रेमाची जणु स्पर्शित हलकीशी
गवसली ती मजला एके दिवशी
मोहक त्या दिवसानंतर जग हे सारे माझे पालटून गेले
अचानक मनास उमजून आले
ती झुळुक फक्त क्षणभराची
फक्त फक्त मनाला थिजविणारी
सदैव राहो आठव अशी ती आयुष्यभरासाठी
ती आठव जपुन मनात
नेईन मी ही आयुष्याची पोचपावती
भेटेल का ती झुळुक पुन्हा
कुण्या एका अनोळखी वळणावरती
हूर हुर असे मनास माझ्या
जेव्हा केव्हा येईल ती झुळुक पुन्हा
असेल का ती फक्त माझ्यासाठी
अशीच ती झुळुक प्रेमाची स्पर्शित हलकीशी