धुंदीत गाऊ, मस्तीत राहू

#VikramGokhale #Nayantara #KamlakarTorne

धुंदीत गाऊ, मस्तीत राहू
छेडीत जाऊ, आज प्रीत साजणा
थंडी गुलाबी, हवा ही शराबी
छेडीत जाऊ, आज प्रीत साजणी

रुपेरी उन्हात, धुके दाटलेले
दूधी चांदणे हे जणू गोठलेले
असा हात हाती, तू एक साथी
जुळे आज ओठी माझ्या गीत साजणा

दवांने भिजावी इथे झाडवेली
राणी फुलांची फुलांनीच न्हाली
ये ना जराशी, प्रिये बाहुपाशी
अशी मिलनाची आहे रीत साजणी

जळी यौवनाचा डुले हा शिकारा
असा हा निवारा, असा हा उबारा
अशा रम्यकाली, नशा आज आली
एकांत झाला जणू आज पाहुणा


#VikramGokhale #Nayantara #KamlakarTorne


गीतकार : जगदीश खेबुडकर, गायक : आशा भोसले - महेंद्र कपूर, संगीतकार : एन.दत्ता, चित्रपट : बाळा गाऊं कशी अंगाई (१९७७) / Lyricist : Jagdeesh Khebudkar, Singer : Asha Bhosle - Mahendra Kapoor, Music Director : N. Dutta , Movie : Bala Gau Kashi Angai (1977)